«Ժողովուրդ». Սերժ Սարգսյանը գովազդում է եթերային աղբը
Հայկական Մամուլ
Արարկիր համայնքում Սերժ Սարգսյանի նախընտրական հանդիպման ժամանակ հերթական «կիքսը» գրանցվեց: «Ժողովուրդը» գրում է, որ քաղաքացիներից մեկը նրան հարց տվեց, թե ընտրվելու դեպքում ինչ է պատրաստվում անել՝ եթերն անորակ հեռուստասերիալներից մաքրելու ուղղությամբ: «5 տարի առաջ եթերում մեքսիկական ու բրազիլական հեռուստասերիալներ էին, հիմա՝ հայկական: Ի՞նչ եք կարծում՝ ավելի
լավ է հայկական սերիալները նայել, թե՞ մեքսիկական ու բրազիլական»,- հարցրեց Ս. Սարգսյանը:
Հարցը դահլիճում աշխուժություն առաջացրեց, որին քաղաքացիներից մեկը տեղից պատասխանեց՝ «մեքսիկական ու բրազիլական»: Ս. Սարգսյանը մի պահ կանգ առավ, այնուհետև ասաց, թե հայկական սերիալները սոցիալական դրական ազդեցություն ունեն, նա խորհուրդ տվեց ցերեկներն անցնել Երևանի թատրոնների մոտով, որտեղ կարելի է հանդիպել արտասահմանյան մեքենաների: Ըստ նրա՝ այդ մեքենաները դերասաններինն են, որոնք կարողացել են գնել սերիալներում նկարահանվելու արդյունքում:
Փաստորեն, Ս. Սարգսյանը փոխանակ ամաչի, որ մշակութային օջախ համարվող թատրոններում հայտնի դերասանները ցածր են վարձատրվում ու ստիպված անորակ սերիալներում նկարահանվում, հակառակը՝գովազդում է եթերային աղբը: Բրավո՛:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
