Ռիո դե Ժանեյրոյում մեկնարկեց աշխարհահռչակ բրազիլական դիմակահանդեսը

Բրազիլիայի խոշոր քաղաքներում և բնակավայրերում ուրբաթ երեկոյան մեկնարկել է երկրի գլխավոր ազգային տոնը՝ բրազիլական դիմակահանդեսը: Տոնական երթերն ու զբոսանքները սամբոյի ռիթմի տակ շարունակվելու են 5 օր. գրում են տեղական ԶԼՄ-ները:

Ֆորմալ առումով դիմակահանդեսի մեկնարկը տվել է Ռիո դե Ժանեյրոն: Քաղաքի նահանգապետ Էդուարդո Պաեսը «Կորոլյու Մոմո» քաղաքի բանալիները հանձնել է դիմակահանդեսի տիրակալին, ով և հայտարարել է դիմակահանդեսի շքերթի մեկնարկի մասին:

Դիմակահանդեսի ողջ ընթացքում Ռիո դե Ժանեյրոյի կենտրոնով կանցնի 492 տոնական շարասյուն՝ նրա վրա պարող պարուհիներով:

Փորձագետների կարծիքով՝ այս տարի դիմակահանդեսին կմասնակցի 6 մլն մարդ, ինչը 700 հազարով ավել է, քան նախորդ տարի:

Ռիո դե Ժանեյրոյում անվտանգությունը պահպանելու է 14.5 հազար ոստիկան:

Ի տարբերություն նախորդ տարիների՝ այս անգամ դիմակահնդեսն անցկացվելու է ոչ բոլոր քաղաքներում: Այսպես տոնական շքերթները չեղյալ են հայտարարվել Ռիո Գռանդի դու Սուլ նահանգում, ուր գիշերային ակումբում բռնկված հրդեհի արդյունքում զոհվել էր 238 մարդ: Սանտա Կատարինա նահանգում դիմակահանդեսը կանցնի ոստիկանության խիստ հսկողության տակ՝ պայմանավորված վերջերս շրջանում տեղի ունեցող բռնությունների մեծ ալիքով: