Ռուսաստանում հանքի պայթուն է տեղի ունեցել

ՌԴ Վարկուտա քաղաքում տեղի է ունեցել ածխահանքերի պայթուն: Ինչպես հայտնում են ՌԴ Արտակարգ իրավիճակների ծառայությունից, պայթունը տեղի է ունեցել առավոտյան ժամը 10:28: Հանքում վթարի պահին գտնվել է 22 աշխատող, որոնցից չորսին հաջողվել է դուրս գալ, իսկ 18-ի ճակատագիրը դեռևս անհայտ է: Փրկարար աշխատանքների համար դեպքի վայր է մեկնել փրկարար 7 խումբ և շտապ օգնության ջոկատը: 

Հանքը պատկանում է Սեվերսթալին` Ռուսաստանի ամենամեծ պողպատ արտադրող կազմակերպություններից մեկին: 

Դեռևս վթարի պատճառը հայտնի չէ: Այս մասին տեղեկացնում է Reuters գործակալությունը: