Discovery-ի նկարահանման ժամանակ ուղղաթիռ է կործանվել.անձնակազմը զոհվել է

ԱՄՆ-ի Կալիֆորնիա նահանգում Discovery ռեալիթի շոուի նկարահանման աշխատանքների ժամանակ ուղղաթիռ է կործանվել, որի արդյունքում զոհվել է 3 մարդ, այսօր տեղեկացնում են տեղական ԶԼՄ-ները: Պատահարը տեղի է ունեցել լուսադեմին Աքթոն քաղաքի մոտակայքում:

Զոհվել են ուղղաթիռում գտնվող բոլոր 3 ուղևորները: Նրանց անունները չեն հրապարակվել: Հեռուստաընկերության ղեկավարությունը հաստատել է տեղեկությունը և իր ցավակցությունները հայտնել զոհերի ընտանիքներին:

Միջադեպի մանրամասները պարզվում են, տեղեկացնում է Интерфакс-ը: