Հյուսիսային Կորեան հայտարարել է միջուկային ռումբ պայթեցնելու մասին
Աշխարհ
Հյուսիսային Կորեայի կառավարությունը փետրվարի 12-ին պաշտոնապես հայտարարել է ստորգետնյա միջուկային պայթյուն իրականացնելու մասին. հայտնում է Agence-France-Presse-ը:
Ընդ որում, Փհենյանը հայտարարել է, որ երկրի հյուսիս-արևելքում փորձարկվել է ոչ միայն միջուկային ռումբ, այլև գերհզորությամբ փոքրամասշտաբ միջուկային լիցք: Թե կոնկրետ ինչ է նկատի ունեցել Փհենյանը, ԿԺԴՀ-ի կառավարությունը չի մեկնաբանել, սակայն նշել է, որ ամեն բան անցել է անվտանգ և տեխնիկապես անթերի:
Իր հերթին Հարավային Կորեան նույնպես հաստատել է, որ իր տարածքից ինքն ականատես է եղել ԿԺԴՀ-ում միջուկային ստորգետնյա պայթյունի իրականացմանը:
Սեուլը դատապարտել է հյուսիսային հարևանի գործողությունները:
Հյուսիսային Կորեայի կողմից իրականացված այս միջուկային պայթյունը հաշվով արդեն 3-րդն է՝ սկսած 2006-ից: Մասնագետների ունեցած տվյալներով այն անհամեմատ ավելի հզոր է եղել, քան 2006 և 2009թթ. անցկացրած փորձարկումները:
Հիշեցնենք, որ Փհենյանը հայտարարել է, որ պատրաստվում է միջուկային փորձարկումներ իրականացնել՝ ի պատասխան ՄԱԿ-ի կողմից Հյուսիսային Կորեայի արձակած հրթիռի պատճառով Հյուսիսային Կորեայի նկատմամբ կիրառվող պատժամիջոցների:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
