Շունն օգնել է տիրոջը շահել 1.000.000 դոլար

ԱՄՆ-ի Այդահո նահանգում շունն օգնել է տիրոջը շահել 1 միլիոն դոլար վիճակախաղի տոմսով: Այս մասին նշում է korrespondent պարբերականը՝ հղում կատարելով Associated Press գործակալությանը:

Մասնավորապես, ընտանի կենդանին հարկադրել է տիրոջը՝ Սթիվ Հյուսին, գնել Powerball վիճակախաղի տոմս: Ինչպես նշում է Հյուսը, նա ծրագրել էր գնել տոմս այլ խանութից, սակայն նա ստիպված է եղել գնել լցակայանից, քանի որ իր շուն Ստելլան կողպել էր մեքենայի դուռը:
Շուրջ 45 րոպե Հյուսը հորդորել է շանը բացել դուռը: Միևնույն ժամանակ, նա խնդրել է իր ընկերուհուն լցակայանում գտնվող խանութից գնել վիճակախաղի տոմս:

Արդյունքում շունը վերջապես բացել է դուռը, իսկ գնված վիճակախաղի տոմսով Հյուսը կարողացել է շահել մեկ միլիոն դոլար: