Շպռօտ. «Ոնց եմ ուզում մի պուպուշ, դուխով տղա գա, ասի` Անի ջան, արի ամուսնանանք

BRAVO.am-ը օրերս տեղեկացրեց, որ Շպռօտը կիսով չափ սափրել է գլուխը եւ նոր սանրվածքը ցուցադրել համացանցային ընկերներին: Այսօր արդեն խոսակցությունների կիզակետում մեկ այլ թեմա կա, որը ծավալվել է երգչուհու կատարած երկու գրառման շուրջ:

«Ոնց եմ ուզում մի պուպուշ, դուխով տղա գա ինձ հասկանա, գործից հանի, ասի` ինչքան աշխատեցիր հերիք է, հիմա քո վայելելու ժամանակն է, Անի ջան, արի ամուսնանանք, 7 օր, 7 գիշեր հարսանիք անենք ու բալիկներ ունենանք». նախ` նա գրել է այս «ստատուսը», որին հաջորդել է հետեւյալը.«Վայ, Անի ջան, էս ինչե՞ր ես երազում, դու չես կարող ընտանիք ունենալ հայ տղայի հետ, դու տեսե՞լ ես համացանցում քո մասին ինչեր են գրում, ընդհանրապես տեսե՞լ ես քո պոռնո- վիդեոները: Իսկապես հավատո՞ւմ եք, որ դա ես եմ»: 

BRAVO.am-ին հաջողվել է կապ հաստատել Շպռօտի հետ ու պարզել, թե խոսքն ինչ տեսանյութի մասին է: «Չգիտեմ` ով, բայց ինչ-որ մեկը գրել է, թե իբր այդ «տեսանյութում» ես եմ: Ես չեմ տեսել, բայց ընկերներս ու անծանոթներս շատ են հարցնում…»,-մեզ հետ զրույցում ասել է նա:

Երգչուհին նշել է, որ չի պատրաստվում զբաղվել տարածված հոլովակի հեղինակի բացահայտմամբ. «Աստված իր հետ: Նյարդեր ու ավելորդ էներգիա չունեմ: Հավատացեք, ոչինչ չի օգնում, պրծում չկա այդ ամենից»: