«Հրապարակ». Լատենտային հանցագործությունների իրական հովանավորը

«Երեկ ՀՀ գլխավոր դատախազ Աղվան Հովսեփյանը որոշել էր իր լուման ներդնել Սերժ Սարգսյանի քարոզարշավին և ընդլայնված
կոլեգիայի նիստ էր արել ու նիստից հետո հարցազրույց էր տալիս «Հայլուրին», որի իմաստը մեծ հաշվով այն էր, որ իրենք աչալրջորեն
պայքարում են հանցավորության դեմ: Ռեպորտաժից ուշադրությունս հատկապես գրավեց մի պահ. կոլեգիայի նիստում խոսվել է
լատենտային հանցագործությունների մասին և հիշատակվել մի «խայտառակ» փաստ՝ Ավան համայնքում անցած տարի արձանագրվել է խուլիգանության ընդամենը մի քանի դեպք: Եվ դրա պատճառը գլխավոր դատախազը տեսնում է վճռաբեկ դատարանի մի նախադեպային որոշման մեջ, որտեղ ատյանն արձանագրել է, որ խուլիգանության դեպքում հարկավոր է անձի մասնավոր բողոք: Եվ քանի որ անձինք ոչ միշտ են բողոքում, ուստի խուլիգանության դեպքերը պատժելու հնարավորություն իրենք չունեն»,- գրում է «Հրապարակը» խմբագրականում և հավելում. «Այ, այ, այ՝ մտածեց հեռուստադիտողը, իսկ ես մտաբերեցի 2011-ի ապրիլի 21-ին «Հրապարակի» խմբագրությունում կատարվող դեպքերը, երբ տիկին Մարգարիտա Խաչատրյանը՝ «Մառոզ» մականունով, մի խումբ անձանց հետ դեբոշ էր սարքել: Եվ մենք իրավապահ մարմիններին գրավոր խնդրել էինք քրեական գործ հարուցել ու պատժել խուլիգանության ակնհայտ դեպքը: Բայց դատախազությանը և ոստիկանությանն այդպես էլ չկարողացանք համոզել, որ սեռական բնույթի հայհոյանքնեիը, լրագրողներին ու խմբագրին քաշքշելն ու
բաժակը մեզ վրա շպրտելը, սեղանները շուռ տալը խուլիգանություն է: Ավելին՝ դատարանը բավարարեց մեր բողոքը և պարտադրեց ոստիկանությանը քրեական գործ հարուցել, սակայն նույն Աղվան Հովսեփյանի ուղղակի հրահանգով քրգրրծ չհարուցվեց: Այնպես որ, պարոն գլխավոր դատախազ, լատենտային հանցագործությունների իրական հովանավորը հենց Դուք եք»: