Օբաման անդրադարձել է երկրի արտաքին հարաբերություններին

Նախագահ Բարաք Օբաման Կոնգրեսի համատեղ նիստի ժամանակ անդրադարձել է արտաքին հարաբերություններին, մասնավորապես՝ Աֆղանստանին, Հյուսիսային Կորեաին, Սիրիային և Իրանին, սակայն ելույթի ժամանակ գերակշռողը եղել են ներքին հարցերը: 

Ներքին հարցերում Օբաման կոչ է արել ստեղծել աշխատանքի տեղեր և ուժեղացնել միջին դասը: Չնայած որ միջազգային հարցերը քիչ ուշադրություն են գրավել, սակայն հատկապես կարևոր են եղել Հյուսիսային Կորեայի կողմից միջուկային զենքի երրորդ փորձարկումից հետո: Օբաման, անդրադառնալով այս հարցին, նշել է. «Հյուսիսային Կորեայի ղեկավարները պետք է գիտակցեն, որ նրանք կարող են հասնել անվտանգության և բարգավաճման` միայն միջազգային պարտավորությունները կատարելով», և ավելացրել է, որ Հյուսիսային Կորեան միջուկային զենքի նոր փորձարկումով ավելի մեկուսացման մեջ է հայտնվում, քանի որ «մենք համագործակցում ենք դաշնակիցների հետ՝ ամրացնելու մեր հրթիռային պաշտպանությունը, իսկ աշխարհը սկսել է քայլեր ձեռնարկե՝ ի պատասխան համապատասխան սպառնալիքների»:

Օբաման նաև հայտարարել է, որ պետք է շարունակի ամերիկյան զորքի դուրսբերումը Աֆղանստանից:

Օբաման նաև նշել է, որ պետք է շարունակի համագործակցել Ռուսաստանի հետ ատոմային զենքի քանակը կրճատելու համար և խորացնել Եվրասիական առևտրական հարաբերությունները: 

Սիրիայի հարցով Օբաման նշել է, որ Ամերիկան պետք է շարունակի ճնշումը Սիրիայի կառավարական ռեժիմի վրա, որը «սպանում է իր իսկ բնակչությանը, և համագործակցել ընդդիմադիր ուժերին, որոնք հարգում են յուրաքանչյուր քաղաքացու իրավունքները»: