Ադրբեջանի բանակը դուրս է եկել հարված հասցնելու գլխավոր ուղի. Независимая газета

Արցախ 13 Փետրվար, 2013 16:58

Ռուսական և իրենց դաշնակից Հայաստանի զորքերի մարտական կարողությունների բարձրացումն ուղեկցվում է Ադրբեջանի կողմից ակտիվ ռազմական զորավարժություններով Ղարաբաղի սահմանի մոտ: Հայաստանում ռուսական ռազմաբազայի 102-րդ տանկային և հատուկ նշանակությամբ ստորաբաժանումը հայկական զորքերի հետ համագործակցությամբ օրերս առաջ էին շարժվել դեպի լեռնային գոտիներ հատուկ զորավարժություններ անցկացնելու համար: Ադրբեջանական զորքերը միառժամանակ կենտրոնացել էին, այսպես կոչված, Տերտերի շփման գիծ և այնտեղ անցկացնում են լայնամասշտաբ զորավարժություններ:

Տերտերի շրջանն այժմ պահպանվում է Լեռնային Ղարաբաղի պաշտպանության ուժերի կողմից: Պաշտոնական տվյալներով՝ զինավարժությունները՝ ինչպես Հայաստանում, այնպես էլ՝ Ադրբեջանում, ծրագրավորված պլանային իրադարձություններ են, չնայած մի շարք պայմաններ վկայում են տարածաշրջանում իրավիճակի պայթունավտանգ վիճակի մասին:

Առաջին հերթին Ադրբեջանը ռազմական զորավարժությունների բախման այդ շրջանում սկսել է իրականացնել հարաբերական ոչ վաղ ժամանակներից: Այն հակասում է Հայաստանի հետ եկած համաձայնությանը և ՄԱԿ-ի բանաձևին: Ռազմական լեզվով այս զորավարժությունները ռազմական տեխնիկայի ցուցադրություն է: Անցած տարվա ընթացքում այդպիսի զորավարժություններ Ադրբեջանի գեներալ գնդապետ Սաֆար Աբիևի ղեկավարությամբ անցկացվել են 2 անգամ՝ փետրվարին և հուլիսին: Բաքվի ԶԼՄ-ները հայտարարում են, որ այդ զորավարժությունների ժամանակ օգտագործվել են Ադրբեջանի բանակի կողմից ձեռքբերված ամենաժամանակակից զինամթերքները:

Այս զորավարժությունների ժամանակ էլ օգտագործվում են հակաօդային ուժեր, ռազմաօդային, ինչպես նաև ցամաքի ռազմական ուժեր: Զորավարժությունները կշարունակեն ոչ ավել, քան 1 շաբաթ, իսկ մարտ ամսին Ադրբեջանում Թուրքիայի և Վրաստանի հատուկ նշանակության ուժերի մասնակցությամբ կանցկացվեն համատեղ զորվարժություններ «Կովկասյան արծիվ 2013»:

2-րդ հերթին Տերտերի շփման գծի զորվարժությունները անցկացվում են Լեռնային Ղարաբաղի ամենախոցելի վայրում, քանի որ գտնվում է Ստեփանակերտ-Բաքու մայրուղու մոտ: Այս ճանապարհի վրա են գտնվում մի շարք ռազմական բազաներ, ինչպես նաև Ստեփանակերտի միջազգային օդանավակայանը:

3-րդ կարևոր կետն այն է, որ հատկապես Տերտեր քաղաքում 1994-ին ավարտվեցին վերջին ռազմական բախումներն Ադրբեջանի և Լեռնային Ղարաբաղի զինված ուժերի միջև: 1994 թվականի մայիսի 12-ին ստորագրվեց Բիշքեքի համաձայնագիրը, որով արձանագրվեց Ղարաբաղի պատերազմի ավարտը: Սակայն մեծ հավանականություն կա, որ հենց Տերտերի շրջանում, հնարավոր է, վերսկսվեն ռազմական գործողությունները: Տերտեր քաղաքը շատ կարևոր ռազմավարական դիրք է գրավում: Այս մասին տեղեկացնում է Независимая газета-ն: