«168 ժամ». Անդրիաս Ղուկասյանի հացադուլը պետք է սահմանվի որպես արհեստածին անհաղթահարելի խոչընդոտ

ՀՀ նախագահի թեկնածու Անդրիաս Ղուկասյանի՝ հացադուլի մեջ գտնվելու հանգամանքը, ըստ «Arni Consult» փաստաբանական գրասենյակի փոխտնօրեն, իրավաբան, միջազգային իրավունքի մասնագետ Արա Ղազարյանի՝ պետք է սահմանվի որպես արհեստածին անհաղթահարելի խոչընդոտ և ընտրությունների հետաձգման պատճառ չդառնա. «Հակառակ դեպքում յուրաքանչյուրն էլ կարող է ընտրություններից 20 օր առաջ հացադուլ հայտարարել, ասել, որ 20 օր հետո իր առողջական վիճակը կվատանա, և դառնալ ընտրությունների հետաձգման պատճառ»:
Ըստ մասնագետի՝ «եթե տվյալ անձը նույնիսկ մոտավորապես գիտի, թե ե՞րբ ինքն իր քայլով կարող է անհաղթահարելի խոչընդոտ առաջացնել, ապա սա միանշանակ դավադրություն է»:

Իրավաբանը «168 ժամի» թղթակցի հետ զրույցում նաև նշել է, որ Անդրիաս Ղուկասյանի հացադուլը միայն Սահմանադրական դատարանը (ՍԴ) կարող է անհաղթահարելի խոչընդոտ չհամարել, իհարկե, եթե ստանա տվյալ դեպքը քննելու դիմում: