«ՀԺ». Սեդրակյանի բնակության հասցեում գրանցված է 24 ընտրող` տարբեր ազգանուններով

ԿԸՀ-ի կայքում հրապարակված ընտրողների ռեգիստրն ուսումնասիրելիս «Հայկական ժամանակը» պարզեց, որ նախագահի թեկնածու Վարդան Սեդրակյանի բնակության հասցեում գրանցված է 24 ընտրող, տարբեր ազգանուններով: Թեկնածուն թերթի հետ զրույցում պարզաբանեց, որ ինքը տեղյակ է, և այդտեղ ոչ մի խնդիր չկա: Իսկ իրականությունը, ըստ Սեդրակյանի, հետևյալն է՝ Զաքարիա Քանաքեռցու փողոցում, որտեղ բնակվում է ինքը, նույն հասցեի, նույն համարի տակ մի քանի տուն և ընտանիքներ կան:

«Քանաքեռում 34 համարի մի քանի տուն կա: Կարող եք գնալ, հարցնել: Բոլորն էլ 34 համարի տակ են, նույն հասցեով: Որ ընտրողների ռեգիստրում նայեք, Զաքարիա Քանաքեռցու փողոցի 32 տանը ավելի շատ մարդիկ են գրանցված, մոտավորապես՝ 50-60 հոգի: Էդ թաղամասում սեփական տներ են: Հին տներ են, բոլորը մի հասցեի տակ է եղել էդ ժամանակ, էդպես էլ մնացել է: Սա 1960-ականներին եղել ա կոլխոզի գրասենյակ, կիսել են, ընտանիքների մեջ են բաժանել»,- ասաց Վարդան Սեդրակյանը:

Փաստորեն, կոլխոզն ինչպես հասցեները բաժանել, այնպես էլ գործում է մինչ օրս: