Այսօր Վալենտինի` երիատասարդ զույգերի օրը հավերժացնողի տոնն է

Համարվում է, որ սուրբ Վալենտինի օրը գոյություն ունի ավելի քան 16 դար, սակայն Սիրո տոնի արմատները գալիս են վաղ հեթանոսական ժամանակներից: Օրինակ՝ հռոմեացիները փետրվարի կեսերին տոնում էին էրոտիզմի փառատոնը, որը կոչվում էր Lupercalia և նվիրվում էր սիրո Աստված Juno Februata-ին: 

Վալենտինի տոնի «մեղավորը» քրիստոնյա հոգևորական Վալենտինն է: Այս պատմությունը թվագրվում է 269 թվականին, երբ Հռոմը կառավարում էր Կլավդիա II կայսրուհին: Հռոմեական բանակը ռազմական արշավների համար զինվորների պակաս էր զգում, և զորահրամանատարը համոզված էր, որ իր «նապոլեոնական» ծրագրերի հիմնական հակառակորդը ամուսնություններն են, քանի որ ամուսնացած լեգեոներն ավելի քիչ են մտածում կայսրության փառքի մասին, քան ընտանիք կերակրելու մասին:

Հռոմեական զինվորների ռազմական ոգին պահպանելու համար կայսրը հրաման արձակեց, որով արգելվում էր լեգեոներների ամուսնությունը:  Սակայն նա, այնուամենայնիվ, չէր կարող հրամայել զինվորներին այլևս չսիրահարվել: Ի երջանկություն զինվորների՝ հայտնվեց մի մարդ, ով, չվախենալով կայսեր զայրույթից, սկսեց ամուսնացնել լեգեոներներին իրենց սիրած էակների հետ: Այդ մարդը հոգևորական Վալենտինն էր իտալական Թերն քաղաքից: Բացի այդ, նա նաև հաշտեցնում էր կռվածներին, օգնում գրել սիրո նամակներ, նաև՝ նվիրել ծաղիկներ: 

Սակայն կայսրը չկարողացավ ներել Վալենտինին, որին դատապարտեցին կախաղանի: Վալենտինի դժբախտությունը նաև նրանում էր, որ նա սիրահարված էր բանտի հսկիչի աղջկան: Կախաղանից մի օր առաջ հոգևորականը նամակ է գրում աղջկան, որում ներկայացնում է իր սերը:

Կաթոլիկ եկեղեցին Վալենտինին համարում է մարտիրոս. Հռոմի Պապ Գելասիուս I-ը 496 թվականին փետրվարի 14-ը հայտարարեց որպես սիրո տոն: 

Արևմտյան Եվրոպայում Վալենտինի տոնը սկսեցին նշել 13-րդ դարում, իսկ ԱՄՆ-ում՝ 1777 թվականից: 

Ճապոնիայում սկսեցին այս տոնը նշել 1930-ականներից, և այն ավելի շատ հիշեցնում է տղամարդկանց «մարտի 8», քանի որ այս օրը տղամարդիկ ավելի շատ նվերներ են ստանում, քան կանայք: 

Ֆրանսիայում այս օրը միմյանց նվիրում են թանկարժեք նվերներ, իսկ Դանիայում՝ չորացված սպիտակ ծաղիկներ: 

Բրիտանիայում չամուսնացած աղջիկներն արթնանում են մինչ արևածագը, կանգնում պատուհանի մոտ և նայում անցորդներին: Ավանդության համաձայն՝ նրանք կամուսնան առաջին հանդիպած տղամարդու հետ: 

Սակայն դեռևս կան պետություններ, որտեղ ոչ միայն չի նշվում սուրբ Վալենտինի օրը, այլև արգելված է օրենքով: Սաուդյան Արաբիայում այս տոնն օրենքով արգելված է, և այդ օրենքը խախտողներին մեծ տուգանքների են ենթարկում: 

 Այս մասին հայտնում է calend.ru վեբ կայքը: