Հայտնաբերվել է կենդանատեսակ, որը բազմացումից հետո թողնում է իր սեռական օրգանը

Հայտնաբերվել է այն կենդանատեսակը, որը ի վիճակի է սեռական ակտից հետո «դեպքի վայրում» թողնել իր սեռական օրգանը և 24 ժամվա ընթացքում աճեցնել նորը: Ճապոնացի կենսաբանները լուրջ հետաքրքրվել են այդ կենդանատեսակով, որը փափկամորթների դասին պատկանող Chromodoris reticulate ծովախխունջն է. գրում է Biology Letters ամսագիրը:

Ինչպես ենթադրում են հոդվածի հեղինակները, այս կենդանատեսակն աշխարհում միակն է, որն ընդունակ է բազմանալ փոփոխվող սեռական անդամով: Ակվարիումում բնակվող տասնյակ ծովախխունջների բազմացման ակտին հետևող գիտնականները նկատել են, որ սեռական ակտից հետո խխունջների մարմնից պոկվում է սեռական օրգանը` ընկնելով հատակին: Խխունջները նոր օրգան են աճեցնում անմիջապես և 24 ժամ հետո կրկին պատրաստ են բազմանալ: