«Եղբայրներ»-ից Ալինա Մարտիրոսյանը չի մերժել առաջարկը

Ալինա Մարտիրոսյանը, որը լայն մասսաներին հայտնի է «Եղբայրները» հեռուստասերիալից, օրերս չի մերժել Գագիկ Հարությունյանի առաջարկը… Այս հրապարակումը պայմանավորված չէ օրվա խորհրդով եւ Սուրբ Վալենտինի տոնի հետ կապ չունի. ֆոտոմոդել-դերասանուհին չի մերժել վերոնշյալ լուսանկարչի առաջարկը՝ նկարահանվել նոր ֆոտոշարքում :)

BRAVO.am-ի հեզ զրույցում նա խոստովանել է, որ չի զղջացել. «Շատ առաջարկներ եմ ստանում տարբեր լուսանկարիչների կողմից: Երբ Գագիկն ուղարկեց իր աշխատանքները, հավանեցի, համաձայնեցի եւ չսխալվեցի: Ստացվեց այն, ինչ ուզում էի»:

Ալինան նշել է, որ իրեն հարազատ է եւ շատ սիրում է անտիկ դարաշրջանի կնոջ կերպարն ու հագուստները, Գագիկի առաջարկով ու հայ հայտնի դիզայներների հետ համագործակցության արդյունքում էլ ստացել են ցանկալի արդյունքը:

«Առաջին անգամ համագործակցեցի Արեւիկ Սիմոնյանի հետ: Նա կարողանում է ստեղծել այն հագուստը, որը թե′ հարմարավետ, թե′ գեղեցիկ է: Կոշիկներս Մամիկ Մալխասյանի աշխատանքն են՝ յուրօրինակ, չկրկնվող: Գեղեցիկ կերպարն ավելի ամբողջական դարձավ վարսահարդար Գարիկ Մարտիրոսյանի եւ դիմահարդար Անի Աղաբաբյանի շնորհիվ»,-ասել է նա:

Սերիալային դերասանուհու կերպարը շատ է հավանել որդին՝ Էմմանուելը, ով մայրիկին նմանեցրել է Կլեոպատրային. «Կարծում եմ, որ մի հարցում հաստատ նման ենք. երկուսս էլ ազնվական ծագում ունենք: Հայրիկիս արմատները հայկական իշխանական տոհմից են: Բնավորության նման գծեր էլ կան»:

Ալինա Մարտիրոսյանը նաեւ տեղեկացրել է, որ մեկ այլ հեռուստասերիալում նկարահանվելու առաջարկ ունի. «Փակագծերը հիմա չեմ բացի. թող անակնկալ լինի: Շատ եմ սիրում այս ոլորտը: Նախորդ սերիալն էլ ինձ տվել է շատ թանկ ընկերներ, թիմի հետ աշխատելու հնարավորություն, ինչու չէ, նաեւ ճանաչում ու հեռուստադիտողների սեր»: