Ինձ հետաքրքիր է, թե իմ պապն ու տատն ինչ դիրքորոշում են ունեցել հայերին ջարդելիս. քուրդ մտավորական
Հայաստան
Մոր կողմից քուրդ, իսկ հոր կողմից՝ թուրք, «Ցեղասպանություններից տուժածների հետ զորակցության միավորման» ներկայացուցիչ Ռեջեփ Մարաշլը այսօր՝ փետրվարի 15-ին, Հայաստանում ունեցած մամուլի ասուլիսի ընթացքում ներկայացրեց Հայոց ցեղասպանության մասին իր հեղինակած գիրքը: Հեղինակն այստեղ ներկայացրել է ամբողջ հայոց պատմությունն ու Ցեղասպանության ծրագրումը: Գրքում Արևմտյան Հայաստանը ներկայացված է որպես հայերի օրրան, բայց՝ արդեն բռնազավթված:
«Մենք գիտակցում ենք, որ մեր պապերը մասնակցել են Հայոց ցեղասպանությանը: Միտքն առաջացել է այն ժամանակ, երբ ես ցանկացա իմանալ՝ իմ պապն ու տատը մասնակցել են այդ ջարդերին, թե՝ հակառակը՝ անտարբերություն ցուցաբերել կամ օգնել հայերին: Պետք չէ գցել միայն պետության վրա, դա հասարակության խնդիրն է, որովհետև յուրաքանչյուր անհատ ունի իր պատասխանատվությունը: Օրինակ՝ ինձ հետաքրքիր է, թե իմ պապն ու տատն ինչպիսի դիրքորոշում են ունեցել, երբ ջարդում էին հայերին»,-ասաց Ռեջեփ Մարաշլը:
Վերջինս նշեց նաև, որ գոյություն ունի ցեղասպանության տուժածների հարցերով զբաղվող մեկ այլ կազմակերպություն, որն ամեն ամիս գումար է հավաքում ու տրամադրում Հայաստանի համահայկական հիմնադրամին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
