Թանգարանների մուտքը՝ միայն գրքերով

«Երևանը գրքի համաշխարհային մայրաքաղաք»-ի շրջանակներում և գիրք նվիրելու օրվա կապակցությամբ փետրվարի 19-23-ը իրականացվում է «Գրքի բանկ» ծրագիրը:

Մի շարք թանգարաններ (http://bookbank.am/museums.pdf) կարող եք այցելել՝ նվիրելով գեղարվեստական կամ գիտահանրամատչելի գրքեր (թանգարանները բաց են ժ. 11:00-16:30):

«Գիրք բանկ»-ի շրջանակում նվիրված գրքերը փոխանցվելու են համայնքային գրադարաններին:

«Գրքի բանկ» ծրագիրն իրականացնում է «Ֆլեշմոբ Դիվիզիա» ՀԿ-ն՝ Քաունթերփարթ ինթերնեշնլ հայաստանյան ներկայացուցչության, ԱՄՆ ՄԶԳ-ի ու ՀՀ մշակույթի նախարարության աջակցությամբ։

Միջոցառումներին մասնակցելու պայմանները հետևյալն են.

Թանգարանի մուտքի մեկ տոմս ստանալու համար պետք է դրամարկղում նվիրել գեղարվեստական կամ գիտահանրամատչելի գիրք:

Ձեր անունը և ստորագրությունը կամրագրվեն գրքի վրա, որի արդյունքում «Գրքի բանկ» ծրագրի կայքից կտեղեկանաք, թե որ գրադարանում է Ձեր նվիրած գիրքը։