ԱՄՆ-ը Հաիթիի համար 2 բանտ է կառուցում

ԱՄՆ-ի կառավարությունը որոշել է օգնել Հաիթիին 2 բանտ կառուցել, որոնք կարժենան մոտավորապես 10 մլն դոլար: Բանտերը կկառուցվեն ափամերձ Պտի-Գոավ և Կաբարե քաղաքներում:

ԱՄՆ-ի պետքարտուղարությունն, այդպիսով, իր օգնությունն է առաջարկում բանտերի գերհագեցվածության դեմ պայքարելու համար:

2010թ. հունվարի 13-ին Հաիթիիում ունեցած խոշոր երկրաշարժի արդյունքում ավերվել էր երկրի հիմնական պատժիչ հաստատությունը: Ոչնչացել էին դատական փաստաթղթերի մեծ մասը, այդ թվում՝ դատապարտյալների ազատազրկման ժամկետները հավաստող փաստաթղթերը: