Այսօր Թութանհամոնի սարկաֆագի հայտնաբերման օրն է

1923 թվականի փետրվարի 16-ին անգլիացի գիտնական Ջեյմս Քարթերի կողմից հայտնաբերվել է Թութանհամոնի դամբարանը: Այս մասին նշում է անգլիական Express պարբերականը: 

Միստիկ հանգամանքներում Ք.ա. 1323թ. մահացած Թութանհամոնը թաղվել էր Եգիպտոսի Լուքսորի թագավորների դաշտավայրում: Մահից հետո մի քանի ամսվա ընթացքում առևանգումների ենթարկվելով՝ դամբարանի մուտքը փակվել էր, ապա դամբարանը թաղվել էր փոշու և հողու մեջ:

1922-ի նոյեմբերի 4-ին Քարթերն ու նրա աշխատանքային խումբը հայտնաբերեց դեպի դամբարանը տանող ճանապարհը, սակայն միայն 1923 թվականի փետրվարի 16-ին նրանք բացեցին դամբարանը և հայտնաբերեցին Թութանհամոնի սարկաֆագը: Մումիացված Թութանհամոնի կողքը գիտնականները գտել են բազմաթիվ իրեր, որոնք պետք է օգնեին փարավոնին անդրաշխարհյան կյանքում: 

Լորդ Քարնավոնը մահացել է բացահայտումից 2 ամիս անց, և նրա մահը դարձել է Թութանհամոնի դամբարանի շուրջ առեղծվածի սկիզբը։