Նախկին առաջին տիկնայք և նրանց զբաղմունքները

Ֆրանսիայի նախկին առաջին տիկին Կառլա Բրունի-Սարկոզին եղել է Սան Ռեմոյի հանրահայտ էստրադային երգի փառատոնի հյուրը և կատարել սեփական նոր ստեղծագործությունը՝ նվագակցելով կիթառով:

ԱՄՆ նախկին առաջին տիկին Լորա Բուշը կրթության ոլորտում մանկավարժական գիտությունների բակալավրի, գրադարանային գործի մագիստրոսի աստիճան ունի:

Գերմանիայի նախկին առաջին տիկին Բետտինա Վուլֆը դեռ 2012-ի սեպտեմբերին հայտարարել է իր ինքնակենսագրականի լույսընծայման մասին: «Արձանագրության այն կողմում» կոչվող գրքում նա սեփական հայացքով նկարագրել է այն երկու տարիները, երբ ինքը Գերմանիայի առաջին տիկինն է եղել:

ԱՄՆ 44-ամյա նախկին առաջին տիկին Հիլարի Քլինթոնը միշտ հայտնի է եղել իր հասարակական աշխատանքով, որն առաջին հերթին ուղղված է եղել երեխաների մասին հոգալուն: Նա նաև մշտապես հետաքրքրվել է հասարակության և քաղաքականության մեջ կնոջ դիրքով, աջակցել է դպրոցի տնօրենի պաշտոնի համար կանանց պայքարին:

Հոնդուրասի նախկին նախագահի կինը՝ Հիոմարա Կաստրո դե Սելայան, զբաղվում է բարեգործությամբ և հանդես է գալիս ժողովրդին ավելի մոտ լինելու օգտին:

Արգենտինայի նախկին առաջին տիկին Քրիստինա Ֆերնանդես դե Քիրշները, ով հիմա երկրի նախագահն է, հետաքրքրվում է քաղաքականությամբ, սիրում է ճամփորդել և գնումներ անել:

Մադրիդի քաղաքապետ Աննա Բոտելլան իր գլխավոր հետաքրքրությունը համարում է քաղաքականությունը:

Գրասա Մաշելը համաշխարհային պատմության մեջ միակ կինն է, երը եղել է 2 տարբեր պետությունների առաջին տիկին (Մոզամբիկի՝ 1975-1986 թթ., և ՀԱՀ-ի՝ 1998-1999 թթ.): Նա 1995-ին Նանսենի անվան մեդալ է ստացել մարդասիրական երկարատև գործունեության, մասնավորապես՝ փախստական երեխաներին օգնելու համար:

1994-ին լույս է տեսել ԱՄՆ նախկին առաջին տիկին Բարբարա Բուշի հիշողությունների գիրքը, որը երկար ժամանակ երկրում ամենաշատ վաճառվող գրքերի շարքում էր: 2003-ի հոկտեմբերին Բարբարան նոր գիրք է հրատարակել՝ «Հիշողություններ. կյանքը Սպիտակ տնից հետո»: Ներկայումս նա ղեկավարում է իր անվան բարեգործական հիմնադրամը, որը զբաղվում է կրթության զարգացմամբ: Նրա պատվին անվանակոչվել է մի քանի կրթական հաստատություն՝ 3 տարրական և 2 միջնակարգ դպրոց Տեխասում, մեկ տարրական դպրոց՝ Արիզոնայում: Նրա անունով են անվանակոչվել նաև բժշկական կենտրոն Մեն նահանգում և գրադարան Տեխասում:

Իսպանիայի նախկին վարչապետ Խոսե Լուիս Ռոդրիգես Սապատերոյի կնոջ՝ Սոնսոլես Էսպինոսայի նախասիրությունը ևս երաժշտությունն է: Դեռ 2008-ից նա աշխատել է ամենահայտնի երգչախմբերի և նվագախմբերի հետ, հայտնում է inosmi.ru-ն:

 Նյութը՝ 1in.am-ի