Ի՞նչ խորհուրդ է տվել հայտնի երգչուհի Ինգրիդը՝ հայ կանանց

Հանրահայտ իտալացի երգչուհի InGrid-ն այցելել է Երեւան եւ փետրվարի 15-ին ու 16-ին ելույթ ունեցել Yans ակումբում։ Համերգից առաջ InGrid-ը բացառիկ հարցազրույց է տվել NEWS.am STYLE-ին եւ պատմել Հայաստանի մասին իր տպավորությունները, սպասումները շոուից ու իր արվեստից։

Սա ձեր առաջի՞ն այցն է Հայաստան։

Ոչ, արդեն երրորդն է։ Առաջին անգամ ելույթ եմ ունեցել հարսանիքին, երկրորդ անգամ՝ Քաղաքի օրվա կապակցությամբ՝ անցյալ տարի հոկտեմբերին։

Ձեր առաջին տպավորությունը Երեւանից եւ երկրից ընդհանուր առմամբ։

Ինձ զարմացրել է հյուրընկալությունը, որով ինձ դիմավորում են այստեղ։ Սա իսկապես հրաշալի է։

Դուք Իտալիայից եք։ Ընդհանուր բան տեսնո՞ւմ եք հայերի ու իտալացիների մեջ։

Այո, առաջին հերթին արտաքինը. մուգ աչքեր ու մազեր... Իտալացիները նույնպես շատ հյուրընկալ են։ Սակայն մարդիկ ինձ այստեղ շատ ավելի ջերմ են վերաբերվում, քան Իտալիայում։

Ի՞նչ սպասումներ ունեք այսօրվա շոուից։

Ամենակարեւորը, որ մարդիկ ուրախանան, պարեն ու երգեն։ Իմ ամեն հաջորդ ելույթը տարբերվում է նախորդից։ Ես միշտ ձգտում եմ տարբեր լինել։ Ուսումնասիրել եմ հոգեբանություն եւ բեմի վրա հոգեվերլուծաբան եմ դառնում. հասկանում եմ, թե ինչ է ցանկանում հանդիսատեսը։ Դրան համապատասխան էլ փոխում եմ երգերս, եթե զգում եմ, որ մարդիկ ավելի պարային ստեղծագործություն են ցանկանում լսել, կամ էլ հակառակը՝ ռոմանտիկ մեղեդի։ Ես միշտ անմիջապես բեմի վրա եմ որոշում, թե հաջորն ինչ եմ կատարելու։

Նշանակում է, կարող եք զգալ լսարանի տրամադրությո՞ւնը։

Իհարկե։ Միշտ էլ ձգտում եմ հասկանալ մարդկանց տրամադրությունը։ Իմ ելույթներով ես ձգտում եմ հույզեր առաջացնելն։

Հուզառա՞տ մարդ եք։

Այո։ Թեժ իտալական խառնվածք ունեմ։

Ազդում է, արդյո՞ք, անձնական կյանքը ստեղծագործականի վրա։

Օ, պատասխանը շատ պարզ է. ես անձնական կյանք պարզապես չունեմ։ Ես հաճույք եմ ստանում ճանապարհորդելուց։ Ես ինձ հրաշալի եմ զգում բեմում։ Եւ իմ անձնական կյանքն ամբողջությամբ երաշտությանն է պատկանում։ Ես պարզապես ժամանակ չունեմ ինչ-որ մեկին այնպես իրելու, ինչպես երաժշտությունը։

Հայ կանայք շատ են տարբերվում Ձեզնից։ Նրանց մեծ մասը չի ձգտում կարիերայի եւ օջախի պահապանի դերն է ընտրում։ Նրանք որոշ բարդույթներ ունեն։ Ի՞նչ խորհուրդ կտայիք Հայաստանի կանանց։

Ինձ դուր են գալիս անկախ կանայք։ Դա չի նշանակում, որ նրանք պետք է շատ գումար վաստակեն եւ անընդհատ մտածեն կարիերայի մասին։ Ինձ համար անկախ լինել նշանակում է ինքնաբավ լինել։ Չեմ ծանկանում կողքիս իմ բոլոր հաշիվներն ու գնումները վճարող մեկին ունենալ։ Ես մեկի հետ լինելու ցանկություն ունեմ միայն սիրո պատճառով։ Եւ ուրիշ ոչինչ։ Սակայն իմ դեպքում դա շատ բարդ է, քանի որ մինչեւ ականվջներս սիրահարված եմ երաժշտությանը։ Այն ինձ ուժեղ հույզեր է տալիս։ Բացի այդ, բարդ է գտնել մեկին, ով ինձ կսիրի նույնիսկ գիշերանոցով՝ տանը։ Շատ դժվար է համապատաասխան տղամարդ գտնելը։

Վերջին ժամանակներս Ձեզնից հիթեր չենք լսում։ Ե՞րբ սպասենք նոր բանի։

Ես ունեցել եմ մի հիթ՝ «La Trompette»։ Դա սովետական էստրադայի աստղ Էդիտա Պիեխայի «Մեր հարեւանը» երգի ֆրանսիական տարբերակն է։ Այն հնչել է ռադիոյով, եղել է Կանադայի երաժշտական չարթերում։ Սակայն խնդիրը երգեր տարածող ձայնագրման ստուդիաների գումարի բացակայությունն է։ Նույնիսկ եթե երգն ինքնին լավն է, առանց գրագետ տարածման ոչ ոք չի լսի։ Ես ձգտում եմ իմ նոր ստեղծագործությունները տարածել համերգներին, սակայն միայնակ շատ դժվար է։