2-րդ փուլ տեղի չի ունենա. Associated press

ՀՀ-ում նախագահական ընտրություններին նախորդող քարոզարշավը, հաշվի չառած վերջին շրջանը, երբ տեղի ունեցան նախագահի թեկնածու Պարույր Հայրիկյանի սպանության փորձը և մեկ այլ թեկնածու Անդրիաս Ղուկասյանի հացադուլը, անց են կացվել խաղաղ պայմաններում: Սակայն այս ամենը հաշվի առնելով՝ սպասվում է, որ Սերժ Սարգսյանը, հնարավոր է, հավաքի 50%-ից ավել ձայն, և 2-րդ փուլը քիչ հավանական է համարվում: 

Ինչպես հայտնում է Associated press գործակալությունը, 2008-ին Սարգսյանի նախագահական առաջին շրջանը սկսվեց դրամատիկ կերպով: Նախագահության առաջին շաբաթներին տեղի ունեցեն բախումներ Լևոն Տեր-Պետրոսյանի և ոստիկանության միջև, որտեղ սպանվեց 10 մարդ: 

Սակայն Սարգսյանին հաջողվեց հաղթահարել լարվածությունը` բանակցությունների գնալով ընդդիմադիր ուժերի հետ և թույլատրելով հանրահավաքներ: Անցած տարի էլ հարյուրավոր մարդիկ համաներման արժանացան: 

Սարգսյանին հաջողվեց հաղթահարել նաև տնտեսական ճգնաժամը, չնայած դեռևս բազմաթիվ խնդիրներ կան: Այսպես, Համաշխարհային բանկի 2010 թվականի տվյալները ցույց են տվել, որ 36 %-ն ապրում է աղքատության մեջ, ինչպես նաև ամսական աշխատավարձը չի գերազանցում 300 դոլարը: Երկիրը գտնվում է նաև տնտեսական շրջափակման մեջ: Լեռնային Ղարաբաղի հակամարտությունը դեռևս լարված է մնում, և նշույլներ չկան դրա լուծման համար՝ չնայած միջազգային դիտորդների միջնորդության ջանքերին:

1994 թվականի պատերազմից հետո Ադրբեջանն օգտագործում է իր նավթային հարստությունը զորքին վերազինելու համար:

Սարգսյանի հիմնական քաղաքական հակառակորդը ընտությունների ժամանակ Խորհրդային Միության փլուզումից հետո Հայաստանի առաջին ԱԳ նախարար Րաֆֆի Հովհաննիսյանն է: Նա նշում է, որ միլիարդավոր դոլարներ են վերացել պետբյուջեից Սերժ Սարգսյանի կոռուպցիայի պատճառով: Նա նաև շեշտում է, որ բազմաթիվ հայեր արտագաղթել են երկրից, նշելով, որ շուրջ 3 միլիոն հայ արտագաղթել է երկրից: