ՀՀ քաղաքացիները Նախագահ ընտրեցին

Փետրվարի 18-ին Հայաստանում ՀՀ նախագահի ընտրություններ էին՝ 6-րդ նախագահական ընտրությունները անկախ Հայաստանի պատմության մեջ:

Առավոտյան ժամը 08.00-ից բացվել էին 41 ընտրատարածքների 1988 ընտրատեղամասեր, որոնք փակվեցին ուղիղ ժամը 20.00-ին:

Նշենք, որ ՀՀ ոստիկանության հրապարակած տվյալների համաձայն՝ փետրվարի 17-ի դրությամբ Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը 2 մլն 505 հազար 980 էր:

Ընտրությունների քվեարկությանն առավոտյան ժամը 08.00-ից մինչև 17:00-ն ընկած ժամանակահատվածում մասնակցել է ՀՀ քաղաքացիներից 1.259.374-ը կամ ընտրողների ընդհանուր թվի 49.81%-ը:

Ընտրությունների արդյունքների մասին առաջին տեղեկատվությունը ԿԸՀ-ն կհաղորդի փետրվարի 19-ին՝ ժամը 00:00-ին: