Aljazeera-ի արձագանքը ՀՀ նախագահական ընտրությունների արդյունքներին

Պաշտոնական տվյալները ցույց են տվել, որ ՀՀ գործող նախագահ Սերժ Սարգսյանը վերընտրվել է 2-րդ անգամ, չնայած որ գլխավոր քաղաքական հակառակորդ Րաֆֆի Հովհաննիսյանը նշում է, որ ընտրությունները կեղծված են: Այս մասին նշում է Aljazeera գործակալությունը: 

Կենտրոնական ընտրական հանձնաժողովը նշում է, որ Րաֆֆի Հովհաննիսյանը հավաքել է 36,8 % ձայն, սակայն ի հակառակ այս տվյալների՝ նա ընտրություններում իրական հաղթողն է եղել: Հովհաննիսյանը նշել է. «Մեր ժողովուրդը արժանի է ընտրված նախագահի»: 

Հովհաննիսյանի ճամբարը նշում է ընտրական բազմաթիվ կեղծիքներ, այդ թվում՝ «անհետացող թանաք», որը հնարավորություն է տալիս կրկին քվեարկել, ինչպես նաև «տաքսիների և երթուղայինների քարավան», որոնք ընտրողներին տեղափոխել են ընտրատարածք: 

Այնուամենայնիվ, Էդուարդ Շարմազանովը` Հանրապետական կուսակցության խոսնակը, ասել է, որ էքզիթ փոլի տվյալները ցույց են տալիս, որ նախագահը եղել է միակ հավակնորդը ընտրությունների ժամանակ, իսկ ընտրությունները՝ «լավագույնը» Հայաստանի պատմության ընթացքում: 

Իշխանություններն ակնկալում էին խաղաղ ընտրություններ երկրի եվրոպական ինտեգրման համար: 

Agence France Press-ին տված հարցազրույցի ժամանակ «Ժառանգության» խոսնակ Հովսեփ Խուրշուդյանը նշել է, որ տեղի են ունեցել ամոթալի ընրություններ բազմաթիվ արձանագրված խախտումներով: Exit poll-ի տվյալները ցույց են տալիս ոչ թե իրականությունը, այլ իշխանությունների ցանկացած տվյալները: 

ԵԱՀԿ միջազգային դիտորդներն ընտրությունների մոնիթորինգ են արել, իսկ վերջիններիս կողմից արձագանքը տեղի կունենա երեքշաբթի օրը: