ԵԱՀԿ դիտորդները ՀՀ նախագահական ընտրությունները չեն համարում լիովին մրցողական

ԵԱՀԿ Մինսկի խմբի դիտորդական առաքելությունը համարում է, որ երեկ Հայաստանի Հանրապետությունում կայացած ընտրություններին մրցողականության սկզբունքը լիովին ապահովված չէր. այս մասին գրում է France Press-ը:

«Ընտրություններին ցուցաբերվեց բարելավում (նախորդ ընտրությունների համեմատ), սակայն նրանց պակասում էր իրական մրցողականությունը: Մրցակցությունը քննադատական է այն դեպքում, եթե Հայաստանը մտադիր է ապրել իր ժողովրդի՝ կենդանի և գործուն ժողովրդավարության ձգտումների համաձայն»,-մեջբերում է գործակալությունը ԵԱՀԿ խորհրդարանական վեհաժողովի դիտորդական առաքելության ղեկավար Տոնինո Պիկուլայի խոսքերը:

Հիշեցնենք, որ Հայաստանում երեկ կայացած նախագահական ընտրությունների արդյունքերի համաձայն՝ ՀՀ նախագահի պաշտոնում վերընտրվել է Սերժ Սարգսյանը, որին կողմ է քվեարկել ընտրողների 58,64%-ը, 2-րդ տեղում է ՀՀ ԱԳՆ առաջին ղեկավար Ռաֆֆի Հովհաննիսյանը՝ 36,75%, 3-րդ տեղում է ՀՀ նախկին վարչապետ Հրանտ Բագրատյանը՝ 2,15%: