Սիրիայի ենթակառուցվածքներն անկարգությունների հետևանքով 11 մլրդ դոլարի վնաս են կրել

Սիրիայում արդեն 23 ամիս ձգվող քաղաքացիական պատերազմի ընթացքում երկրի ենթակառուցվածքները 11 մլրդ դոլարի վնաս են կրել. հայտնում է Sana գործակալությունը:

Նաև հաղորդվում է, որ 2012 թվականի ընթացքում երկրի կառավարությունը ենթակառուցվածքների վերականգնման համար տրամադրել է մոտ 2 միլիարդ դոլար, և այս գումարը ծախսվել է հենց նույն տարվա ընթացքում:

Հիշեցնենք, որ Սիրիայում արդեն 2 տարի է շարունակվում են բախումները նախագահ Բաշար ալ Ասադի կողմնակիցների և ապստամբների միջև: Ըստ ՄԱԿ-ի տվյալների՝ զոհերի թիվը գերազանցում է 60 հազարը, մոտ 3 միլիոն մարդ հումանիտար օգնության կարիք ունի: Սիրիական իշխանությունները հայտարարում են, որ նրանց դիմադրում են լավ զինված զինյալներ: