Հայաստանում տղամարդու սեռական օրգանում ցանկացել են գնդիկ տեղադրել. վիրաբույժ

Պլաստիկ վիրաբուժությունն այսօր մեծ տարածում է գտել ամբողջ աշխարհում. այն համարվում է բժշկության մեծագույն ձեռքբերումներից: Վիրահատության մարդիկ դիմում են ի ծնե, ձեռքբերովի եւ տարատեսակ այլ պատճառներով ունեցած թերությունները շտկելու, վնասվածքները բուժելու, կատարյալ արտաքինի հասնելու ցանկությամբ: Վիճակագրությունը ցույց է տալիս, որ աշխարհում պլաստիկ վիրաբուժության ոլորտում ամենամեծ պահանջարկը վայելում է կրծքի վիրահատությունը, այսինքն` կրծքի մեծացումը իմպլանտների միջոցով: Թե ինչ պլաստիկ վիրահատություններ են կատարվում մեզ մոտ` Հայաստանում, ու ի՞նչ խնդիրներ եւ նորություններ կան ոլորտում, LADYNEWS.am-ը պարզեց թիվ 3 կլինիկական հիվանդանոցի պլաստիկ եւ վերականգնողական ծառայության ղեկավար, պլաստիկ վիրաբույժ Գեւորգ Ստեփանյանի հետ զրույցում:

-Նայելով Ձեր ծառայություների ցանկը՝ կարելի է ենթադրել' պլաստիկ վիրահատությանցանկացած տեսակ հասանելի է Հայաստանում, այդպե՞ս է:

-Այո՛, այդպես է: Մեր կենտրոնում կատարվում է պլաստիկ վիրաբուժության հետ կապված ցանկացած վիրահատություն' քիթ, ականջ, կուրծք, որովայն, աչքերի կոպեր, դեմքի մաշկի ձգում, շրթունքներ, կնճիռների վերացում, ճարպերի հեռացում եւ այլն, և այլն…

-Ի՞նչ մակարդակի է հասել ոլորտի զարգացումը:

-Այսօր Հայաստանում շատ լավ վիճակ է պլաստիկ վիրաբուժության ոլորտում, իսկապես ձեռքբերումներ ունենք: Նորմալ հունով առաջ ենք ընթանում:

-Ձեր պրակտիկայում ո՞րն է եղել պացիենտի ամենատարօրինակ ցանկությունը:

-Ամենատարօրինակ ցանկությունը եղել է այն, որ ուզել են տղամարդու սեռական օրգանում գնդիկ տեղադրել:

-Եվ ի՞նչ ավարտ է ունեցել:

-Իհարկե, վիրահատություն չի եղել… Դա նորմալ երեւույթ չէ, նրան բացատրեցի, որ դա իրեն վնաս է:

- Պլաստիկ վիրահատության դիմողներն առաջնորդվում են էսթետիկայի, գեղեցկությանմասին որոշակի կանոններով: Ճի՞շտ եք համարում բնության տվածի վրա լրացուցիչաշխատաք կատարելը:

-Իհարկե, հատկապես որ շատ խնդիրներ առաջանում են տարիների ընթացքում' տարբեր հանգամանքներով պայմանավորված: Օրինակ' ինչքանո՞վ է հաճելի, երբ գեղեցիկ աղջիկ է, բայց մեծ ականջներ ունի, ինչո՞ւ չվիրահատել, եթե կարելի է վիրահատությամբ գեղեցկացնել:

-Իսկ որո՞նք են մերօրյա գեղեցկության չափանիշները' Ձեր դիտարկումներով:

-Ինձ համար գեղեցկությունը չափանիշ չունի. յուրաքանչյուր մարդ յուրովի է գեղեցիկ: Ինչ-որ չափանիշ, ըստ իս, չկա: Ամեն մարդու գեղեցկություն իր մեջ է, ու ամեն մարդ գեղեցիկ է իր ներդաշնակությամբ ու տարբերվելու ունակությամբ:

-Ժամանակին, երբ Մայքլ Ջեքսոնը փոխեց մաշկը, վիրահատությունը համարվեցհեղափոխական, այսօր նման ի՞նչ «գյուտեր» են արվում:

-Լինում են, իհարկե, ուղղակի կան բաներ, որ ընդունում ենք, կան բաներ'ո՛չ: Ամեն ինչ չէ, որ ընդունելի է առողջության տեսանկյունից:

-Ճի՞շտ է, որ վերջին շրջանում Հայաստանում ամենամեծ պահանջարկ վայելողը միայն քթիվիրահատությունը չէ, շատ են նաև մամոպլաստիկայով հետաքրքրվածները (կրծքի պլաստիկվիրահատություն):

-Ոչ միայն կրծքի վիրահատությունը, այլև փորի, հետծննդաբերական սպիների վերացումը, վերացվում է «ճարպային գոգնոց» կոչվածը:

-Ձեզ մոտ ամենամեծ պահանջարկ ունեցող վիրահատություը ո՞րն է:

-Քիթը... Քիթը բոլորի մոտ մեծ պահանջարկ ունի:

-Ի՞նչ տոկոս են կազմում ուռոլոգիական խնդիր ունենալուց հետո կրծքի ձևը վերականգնելցանկացող կանայք:

-Հիմա մեզ մոտ'օնկոլոգիայում, շատ ճիշտ քաղաքականություն են վարում. վիրահատության ընթացքում իմպլանտը միանագամից դնում են: Իհարկե նայած'ինչ քանակությամբ են հեռացնում, բայց եթե հնարավոր է լինում, միանգամից դնում են:

- Նիհարելու, ճարպերից ազատվելու նպատակով Ձեզ դիմող կանայք շա՞տ են:

-Բավականին. կա, երբ միայն ճարպն են հեռացնում, նաև լինում են դեպքեր, երբ մաշկի հետ են այն հեռացնում, որ դատարկ մնացած տեղը չկախվի:

-Նախկին չափսերը չե՞ն վերադառնում:

-Ոչ, վիրահատությունից հետո իրենք իրենց շատ լավ խնամում են. եթե որոշ սահմանափակումներ չլինեն, օրինակ'ուտելու հետ կապված, կամ ֆիզիկապես ծանրաբեռնված չլինեն, պարզ է'ոչ մի տեսակի վիրահատություն չի օգնի:

- Կարծես թե կա տենդենց' պլաստիկ վիրաբուժության դիմում են հոլիվուդյան այս կամ այնաստղին նմանվելու ցանկությամբ:Ամենաշատը ո՞ւմ են ուզում նմանվել:

-Անջելինա Ջոլլիի քիթն են ուզում ունենալ (ժպտում է-LN):

-Որո՞նք են կենտրոնի ամենավերջին նորությունները:

-Մեզ մոտ նորությունն այն է, որ հատուկ դեղամիջոցով (Bellcontour GVISC) կատարվում են ներարկումներ կնոջ սեռական օրգանում' նրա օրգազմի հասնելու եւ սեռական բավարարվածությունը ապահովելու նպատակով: