«Առավոտ». Ես վստահ չեմ, որ Րաֆֆին հավաքել է այդքան ձայն. Լյուդմիլա Սարգսյան
Հայկական Մամուլ
ՀԱԿ պատգամավոր Լյուդմիլա Սարգսյանը չի կիսում այն կարծիքը, որ 2008 թվականի նախագահական ընտրություններին Լևոն Տեր-
Պետրոսյանն ավելի քիչ ձայն էր հավաքել, քան այժմ Րաֆֆի Հովհաննիսյանը, գրում է «Առավոտը»: Նկատենք, որ ըստ պաշտոնական թվերի՝ 2008-ին Լևոն Տեր-Պետրոսյանը հավաքել էր 351 222 ձայն, իսկ Րաֆֆի Հովհաննիսյանն այս ընտրություններում հավաքել է 536 769 ձայն: Այն ժամանակ Լևոն Տեր-Պետրոսյանը համարվում էր «հաղթող» թեկնածու, իսկ այժմ, նաև Լևոն Տեր-Պետրոսյանի և ՀԱԿ-ի գնահատականներով,
Րաֆֆի Հովհաննիսյանը համարվում էր «ոչ մրցակցային» թեկնածու:
«Նախ՝ դա այդպես չէ: Ես վստահ չեմ, որ Րաֆֆին հավաքել է այդքան ձայն, իսկ Լևոն Տեր-Պետրոսյանն էլ այնքան էր հավաքել: Բայց այն ժամանակ այլ խնդիր էր լուծվում, հիմա՝ այլ: Այն ժամանակ բոլոր քաղաքական ուժերից թեկնածուներ կային, այդ թվում նաև ընդդիմադիր
ներկայացող Արթուր Բաղդասարյանը: Այսինքն՝ այն ժամանակ մրցակցություն կար, և Սերժ Սարգսյանն իրական մրցակցին ոչնչացնելու խնդիր էր դրել: Րաֆֆիի պարագայում Սերժ Սարգսյանը վտանգ չէր տեսնում:Այս դեպքում նրան միայն պետք է ֆոն և ակտիվություն: Ստացավ»,- ասաց Լյուդմիլա Սարգսյանը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
