Լեոնարդո Դի Կապրիոն կոչ է արել Թաիլանդի իշխանություններին դադարեցնել փղոսկրի վաճառքը

«Ջանգո Ազատագրվածը» ֆիլմի՝ էկրաններին հայտնվելուց հետո աշխարհահռչակ հոլիվուդյան դերասան Լեոնարդո Դի Կապրիոն հայտարարեց, որ ցանկանում է փոքր ինչ հանգստանալ կինոյից և զբաղվել բնապահպանության հարցերով: Մի շարք հարցերի շարքում դերասանին անհանգստացնում է փղերի քանակի կրճատումը, ինչը կապված է փղոսկրի անօրինական շրջանառության հետ: Այս առումով ամենապրոբլեմատիկ երկիրը Թաիլանդն է:

Օրերս Դի Կապրիոն նամակ է ուղղել թագավորության վարչապետին՝ պահանջելով վերջնականապես արգելել փղոսկրի առևտուրը:

Ներկայումս թաիլանդական օրենքներն արգելում են փղոսկրի ներմուծումը, սակայն երկրի տարածքում որսված փղերի առևտուրը թույլատրվում է, և այս հնագամանքից օգտվում են մաքսանենգերը. յուրաքանչյուր տարի Թաիլանդ անօրինական ճանապարհով ներմուծվում է Աֆրիկայից բերված ապրանքների զգալի քանակություն:

Լեոնարդո Դի Կապրիոյի և World Wildlife Fund կազմակերպության նոր բնապահպանական քարոզարշավը կրում է «Ձեռքերդ այն կողմ իմ մարմնից» և կոչված է պաշտպանել վայրի կենդանիներին, որոնց ոչնչացնում են մորթու, մսի, ոսկորների, կոտոշների և մարմնի այլ մասերի համար: Նախևառաջ դերասանն առաջարկել է Թաիլանդի կառավարությանը փղոսկրի շուկայի վերջը տալ Թաիլանդում, ընդ որում, անել դա մոտակա ամիսների ընթացքում՝ մինչև կենդանի բնության ռեսուրսների առևտրի հարցերով միջազգային համագումարը: