Մուհամմեդ մարգարեի ծաղրանկարի հեղինակը ցուցահանդեսի է պատրաստվում
Աշխարհ
Մուհամմեդ մարգարեի ծաղրանկարների շվեդ հեղինակ Լարս Վիլկսը պատրաստվում է անհատական ցուցահանդեսի Մալմյո քաղաքի մասնավոր ցուցասրահում. հայտնում է ТВ4 հեռուստաալիքը:
Հիշեցնենք, որ 2007 թվականի նոյեմբեր ամսին Մուհամմեդ մարգարեի ծաղրանկարը հրապարակվել էր «Ներիկես ալեխանդա» շվեդական թերթում, ինչից հետո անմիջապես մի շարք երկրներից բողոքի նոտաներ հնչեցին: Ծաղրանկարիչը և թերթի գլխավոր խմբագիրը մահացու վտանգի մեջ հայտնվեցին:
Որոշ տվյալների համաձայն՝ «Ալ Քաիդա»-ն Վիլկսի գլխի համար 100 հազար դոլար էր սահմանել. հայտնում է ИТАР-ТАСС-ը:
Սպասվող ցուցահանդեսին այլ աշխատանքների հետ միասին կներկայացվեն նաև մարգարեի պատկերները: Վիլկսն արդեն հանդիպել է ոստիկանության ներկայացուցիչների հետ և քննարկել ցուցասրահի անվտանգության խնդիրները, որի սեփականատերը որևէ սադրիչ բան չի տեսնում ցուցադրության մեջ, քանի որ իր կարծիքով «այն չի պարունակում կրոնական կամ քաղաքական մոտիվներ»:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
