«168 ժամ». Քաղաքական ուժերին այլ ելք չի մնա, քան իշխանության գալ այլ ճանապարհով

«1998 թվականի ընտրություններից սկսած՝ ժողովուրդը միշտ էլ քվեարկել է ընդդիմության օգտին, բայց միշտ տեսել հակառակ արդյունք: Այս առումով 2013 թվականի նախագահական ընտրությունները բացառություն չէին»,- «168 ժամի» թղթակցի հետ զրույցում ասել է ՀՀՇ անդամ Երջանիկ Աբգարյանը՝ ավելացնելով, որ իշխանությունը բռնազավթված է ու շարունակում է մնալ բռնազավթված. «Ցավով, բայց արձանագրում եմ, որ եթե այս անգամ էլ իրական քվեները կեղծվեն, Հայաստանն ընտրության կարիք այլևս չի ունենա: Հակառակ դեպքում՝ քաղաքական ուժերին ելք չի մնա, քան իշխանության գալ այլ ճանապարհով»: