«ՀԺ». ԵԱՀԿ դիտորդը՝ ընտրատարածքներից մեկում իր տեսածի մասին

Երեկ «Հայկական ժամանակի» թղթակիցը լսել է, թե ինչպես է ԵԱՀԿ դիտորդը իր ընկերոջը պատմում Նոր Նորքի ընտրատարածքներից
մեկում իր տեսածի մասին: Դա տեղի է ունեցել սրճարանում, երբ դիտորդը դիտավորյալ կամ ակամա ահագին բարձր է խոսել:
Նա պատմել է, որ հանձնաժողովի նախագահը քվեաթերթիկների հաշվարկի ընթացքում Ցցցքվեաթերթիկները դնում էր Սերժ Սարգսյանի թերթիկների վրա, հաշվարկը ընդհատում էր, նյարդայնացած դուրս ու ներս անում: Դիտորդը անընդհատ կրկնել է, որ եթե իր ներկայությամբ է նման բաներ կատարվել, ուրեմն ինչ է կատարվել այն տեղամասերում, որտեղ դիտորդներ չեն եղել: Նա ասել է, որ հասկանում է, որ ինքը և իր դիտորդ-գործընկերները պետք է քաղաքականապես կոռեկտ լինեն, բայց դա չի նշանակում, որ պետք է սխալ զեկույցներ ներկայացնեն: Ի վերջո «ՀԺ» թղթակիցը հետաքրքրվել է արդյոք իր տեսած խախտումները տեղ գտել են զեկույցում: Դիտորդը դրական է պատասխանել և հրաժարվել է այլ հարցերի պատասխանել: «ՀԺ»-ին հաջողվեց ճշտել նրա անունը՝ Ալեսանդր Զանոտա: