Ճապոնիայի վարչապետը պաշտոնական այցով մեկնել է Վաշինգթոն
ԱՐԽԻՎ
Ճապոնիայի վարչապետ Սինձո Աբեն մեկնել է ԱՄՆ «երկկողմ հարաբերությունների նախկին ջերմությունը» վերականգնելու համար: Այս մասին նա գրել է Facebook-ի իր պաշտոնական էջում:
«Ես ցանկանում եմ վերականգնել վերջին երեք տարվա ընթացքում խարխլված ճապոնա-ամերիկյան հարաբերությունների նախկին ջերմությունը, Օբամայի հետ քննարկել երկկողմանի հարաբերությունների ամրապնդման ուղղությունը և ցույց տալ հենց Ճապոնիային և ամբողջ աշխարհին, որ ԱՄՆ-Ճապոնիա դաշինքը վերականգնվել է»,- նշել է վարչապետը:
Սինձո Աբեն ուրբաթ օրը հանդիպումներ է ունենալու ԱՄՆ նախագահ Բարաք Օբամայի հետ, որտեղ քննարկելու են Հյուսիսային Կորեայի միջուկային զենքի երրորդ փորձարկման հետ կապված միջազգային անվտանգության հարցեր, տնտեսական տրանսխաղաղօվկիանոսյան համագործակցության մեջ Ճապոնիայի մասնակցության պայմանները, ինչպես նաև այլ տնտեսական և քաղաքական խնդիրներ:
Այցի շրաջանակներում Աբեն հանդես կգա ամերիկացի բիզնեսմենների և քաղաքական գործիչների առաջ` մեկնաբանելով երկրի տնտեսական և ֆինանսական նոր քաղաքականությունը: Ճապոնիայի վարչապետը Տոկիո է վերադառնալու փետրվարի 24-ին: Այս մասին հայտնում է РИА Новости գործակալությունը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
