«ՉԻ». Սերժ Սարգսյանը «մանկական մատ» արեց Րաֆֆի Հովհաննիսյանին

Բոլոր այն գնահատականները, թե Րաֆֆին «ախքացավ», ծախվեց, երկխոսացվեց, «գեղամյանացավ» և այլն, այնքան էլ ճշգրտորեն չեն արտացոլում իրավիճակը և բավականին հեռու են իրականությունից: Մարդը ահագին ձայներ է ստացել (իրականում հաղթել է), ու հաջորդ քայլը պետք է լիներ այդ քաղաքական կապիտալի «կանխիկացումը»:

Բայց Սերժ Սարգսյանը, շախմատային լեզվով ասած, «մանկական մատ» արեց Րաֆֆի Հովհաննիսյանին, կանչեց իր մոտ ու ասեց. «Րաֆֆի, ոնց որ թե մի քիչ տխուր ես»: Մինչդեռ Րաֆֆին կարող էր ասել.«Այո, իսկապես տխուր եմ, մինչդեռ ընտրությունների արդյունքները հաշվի առնելով՝ դուք պետք է տխուր լինեիք»: Ինչևէ, փաստն այն է, որ Հայաստանում կա արժանապատիվ ժողովուրդ, կա իշխանություն, և ժողովուրդն այլևս չի ցանկանում հանդուժել այդ իշխանություններին: Մնացածը տեխնիկայի խնդիր է, անկախ այն բանից, թե ինչ այսօր կհայտարարի հանրահավաքում Րաֆֆի Հովհաննիսյանը: