Ամերիկացի կարդինալները հարցաքննության են ենթարկվելու երեխաների նկատմամբ բռնությունների կասկածանքով

Ամերիկացի կարդինալներ Թիմոթի Դոլանը և Ռոգեր Մահոնին հարցաքննության են ենթարկվելու՝ կապված երեխաների նկատմամբ բռնությունների դեպքերի հետ: Այս մասին տեղեկացնում է BBC գործակալությունը: 

Կարդինալ Թիմոթի Դոլանը վկայություն է տալու երեխաների նկատմամբ բռնություններ գործադրած հոգևորականների անունները ներկայացնելու կապակցությամբ: Կարդինալ Ռոգեր Մահոնին պետք է հարցաքննվի՝ կապված մեքսիկացի արքեպիսկոպոսի կողմից 26 երեխաների նկատմամբ բռնություններ գործադրելու հարցով:

Ոստիկանական աղբյուրները նշում են, որ մեքսիկացի հոգևորական Նիկոլաս Ագիլար Ռիվերան 1987 թվականից բռնությունների է ենթարկել 26 երեխայի, իսկ հաջորդ տարին փախչել Մեքսիկայից երեխաների ծնողների կողմից մեղադրանք ներկայացնելուց հետո:

Վերջին շաբաթվա ընթացքում Լոս Անջելեսի արքեպիսկոպոսը տպագրել էր երեխաների բռնության 120 դեպք:

Պարբերականները նշել են, որ կարդինալ Մահոնին և այլ հոգևորականներ պաշտպանել են այդ բռնությունը գործադրած հոգևորականներին: