Ամերիկացին, ընկնելով 14 մետր բարձրությունից, կենդանի է մնացել

17-ամյա ամերիկացին, ընկնելով 14 մետր բարձրությունից, կենդանի է մնացել: Այս մասին գրում է Santa Fe Mexican:

Ջեյկոբ Գուտյերեսը, որը որոշել էր կատակել, դուրս է ընկել լեռնադահուկային հանգստավայրի ճոպանուղու խցիկից: Պատահարը տեղի է ունեցել ԱՄՆ Նյու Մեքսիկո նահանգի Սանտա ֆե քաղաքում: 

Երիտասարդը որոշել էր կատակ խաղալ իր ընկերոջ «գլխին» և խփել նրան իր հետ նախապես վերցված ձնագնդիկով, որը, սակայն, գտնվում էր հարևան խցիկում: Արդյունքում նա սայթաքում է և որոշ ժամանակ կախված է մնում խցիկից, սակայն որոշ ժամանակ անց նրա ուժերը տեղի են տալիս և վերջինս գլորվում է ցած: 

Տղան ստացել է ուղեղի ցնցում, ինչպես նաև լյարդի, թոքի և գլխի վնասվածքներ: