Վերլուծաբաններն անհանգստացած են ՀՀ-ում ընթացող ցույցերով. Reuters

Reuters գործակալությունն իր ուշադրության կենտրոնում է պահում Հայաստանում հետընտրական զարգացումները: Այս անգամ գործակալությունն անդրադարձ է կատարել երեկ Ազատության հրապարակում տեղի ունեցած ցույցերին:

Ցույցը տեղի է ունեցել Ազատության հրապարակում, սակայն մյուս ՀՀ շրջաններում խաղաղություն է պահպանվել: Սակայն վերլուծաբաններն անհանգստացած են, որ ցույցերը կարող են բերել անկայունություն տարածաշրջանում: 

«Րաֆֆի Հովհաննիսյանի կողմնակիցները նշում են, որ ընտրությունները կեղծված են հօգուտ Սերժ Սարգսյանի»,- նշում է գործակալությունը և մեջբերում Րաֆֆի Հովհաննիսյանի խոսքերը, որ շարժումը տեղի է ունենալու խաղաղ պայմաններում՝ սահմանադրությանը համապատասխան, և որ իրենց ժողովրդավարական շարժումը տարվելու է մինչև հաղթական ավարտ: 

Հովհաննիսյանը ցույցի ժամանակ նշել է, որ հինգշաբթի օրը նախագահի հետ հանդիպման ժամանակ Սարգսյանը մերժել է կրկնակի ընտրություններ անցկացնել։ Նա նաև նշել է, որ մեկնելու է այն բոլոր քաղաքները, որտեղ հաղթանակ է տարել ընտրությունների ժամանակ, և ցույցերը վերսկսվելու են կիրակի օրը: