Հնդկաստանում բռնաբարել և սպանել են անչափահաս 3 քույրերի. ոստիկանությունն անգործության է մատնված

Համաշխարհային Մամուլ 23 Փետրվար, 2013 17:34

Հնդկաստանում ոստիկանությունը երկրի արևմտյան գյուղերում որոնում է 3 անչափահաս քույրերին բռնաբարած և սպանած հանցագործներին. գրում է Huffington Post-ը:

Հնդկաստանի բնակչությունը մինչև հիմա դեռևս ազդված է Նյու Դելիում 2 ամիս առաջ ավտոբուսում խմբակային բռնաբարության հետևանքով մահացած ուսանողուհու դեպքից:

Դրան հաջորդեցին բողոքի և զայրույթի նոր ալիքներ Հնդկաստանում: Սակայն բռնաբարության դեպքերը շարունակում են աճել:

7, 9, և 11 տարեկան քույրերի բռնաբարված և սպանված մարմինները գտել են Բհանդրա գյուղի ջրհորում միայն 2 օր անց այն բանից հետո, երբ աղջիկներն անհետացել են դպրոցից:

Զոհերի մայրը հայտարարել է, որ ոստիկանությունն անհրաժեշտ լրջությամբ չի մոտեցել նրանց անհետացմանը և անգործության է մատնել դեպքը մի քանի օր շարունակ, մինչև գյուղի բնակիչները բողոքի ալիք են բարձրացրել:

Ոստիկանության սպա Աբխինավ Դեշմուկը հայտարարել է, որ այս պահին գործը հետաքննում է 10 օպերատիվ խումբ և 30 քննիչ:

Ոստիկանությունը ի սկզբանե դադարեցրել էր գործի հետաքննությունը՝ հայտարարելով, որ աղջիկները մահացել են սեփական անզգուշության հետևանքով: Երեխաների մայրը մեղադրել էր ոստիկանությանը անգործության մեջ, իսկ գյուղի բնակիչները բողոքի ալիք էին բարձրացրել՝ փակելով տեղական խանություներն ու շրջափակելով ավտոմայրուղին:

Հնդկական իրավապահ մարմինները ստիպված եղան ճնշման տակ արձանագրել բռնաբարության և սպանության դեպքը՝ հաշվի առնելով դատաբժշկական փորձաքննության եզրակացությունը: