Աֆղանստանի նախագահը դուրս է քշում ԱՄՆ-ի զինված ուժերը Վարդակ նահանգից

Աֆղանստանի նախագահ Համիդ Քարզայը փետրվարի 24-ին հրամայել է 2 շաբաթվա ընթացքում դուրս բերել ամերիկյան հատուկ նշանակության զինված ուժերն աֆղանական Վարդակ նահանգից, որը գտնվում է մայրաքաղաք Քաբուլից հարավ-արևելք: Ինչպես գրում է The New York Times-ը, Աֆղանստանի իշխանությունները նշում են, որ տեղի բնակիչները, համագործակցելով ԱՄՆ-ի՝ հատուկ նշանակության ջոկատների հետ, զբաղվում են խաղաղ բնակչությանը տանջելով և սպանելով:

Աֆղանստանի նախագահի հրամանը նշանակում է, որ ԱՄՆ-ը կզրկվի այս նահանգում իր հիմնական ռազմական ուժից, որը «Թալիբան» շարժման գրոհայիններն օգտագործում էին որպես հենակետ մայրաքաղաքի վրա հարձակումներ գործելու նպատակով:

Ընդունված որոշումը նշանակում է, որ վիճաբանություններ ի հայտ կգան Աֆղանստանի ղեկավարության և Անվտանգության համագործակցության միջազգային ուժերի միջև, որը ղեկավարում է ԱՄՆ-ն:

Անվտանգության համագործակցության միջազգային ուժերի կոալիցիան (ISAF) իր հերթին հայտարարել է, որ մանրակրկիտ կուսումնասիրի իր դեմ ներկայացված մեղադրանքները: Ակնկալվում է, որ իրավիճակի հետաքննությամբ զբաղվելու է միջազգային հանձնաժողովը: