Դամասկոսի կաթոլիկ եկեղեցիներից մեկի վրա ռումբ է ընկել

Հրետանային ռումբը վնասել է Դամասկոսի կենտրոնում գտնվող կաթոլիկ եկեղեցիներից մեկը:

«Կիրակի օրը ահաբեկիչները հրետանային ռումբ են բաց թողել Դամասկոսի կենտրոնական Կասա թաղամասում գտնվող կաթոլիկ եկեղեցու վրա: Ռմբակոծության արդյունքում մեկ կին վնասվածքներ է ստացել»,-այս մասին հայտնում է «Ալ Վաթան» թերթը:

Քրիստոնյաները կազմում են Սիրիայի բնակչության մոտ 5%-ը: Հաղորդում է Интерфакс-ը:

Հիշեցնենք, որ 2011 թվականի մարտ ամսից Սիրիայում չեն դադարում զինված բախումները նախագահ Բաշար ալ Ասադի կողմնակիցների և ապստամբների միջև: Ըստ ՄԱԿ-ի տվյալների՝ այս երկու տարիների ընթացքում հակամարտության զոհ է դարձել մոտ 70 հազար մարդ: Սաուդյան Արաբիայի ԱԳՆ-ն հայտնում է 90 հազար զոհի մասին: