«Օսկար» 2013. 12 արձանիկի հավակնող ֆիլմը ստացավ ընդամենը երկուսը
Գիտություն և Մշակույթ
Լոս Անջելեսում կայացավ ամենասպասված՝ «Օսկար» մրցանակաբաշխության հոբելյանական՝ 85-րդ արարողությունը: Քննադատները այս հոբելյանական միջոցառումը անվանել են վերջին տարիների ամենաանկանխատեսելին: Գլխավոր ինտրիգը «Լավագույն ֆիլմ» անվանակարգի համար էր: Այս անվանակարգի երկու հավանական թեկնածուներն էին «Լինկոլն» և «Օպերացիա Արգո» ֆիլմերը:
Ի դեպ, ըստ նախնական կանխատեսումների, «Լինկոլն» ֆիլմը պետք է արժանանար մրցանակներից 12-ին: Սակայն մրցանակաբաշխության ընթացքում այս ֆիլմը ստացավ ընդամենը երկու մրցանակ: Իսկ «Օպերացիա Արգո» ֆիլմը ընդհանուր հաշվով ստացավ 3 մրցանակ՝ այդ թվում՝ «Լավագույն ֆիլմ»-ի մրցանակը: Ահա կարևոր անվանակարգերի հաղթողների ցուցակը:
Լավագույն ֆիլմ՝ «Օպերացիա Արգո»
Լավագույն ռեժիսոր՝ Էնգ Լի «Պիի կյանքը»
Լավագույն դերասան՝ Դենիել Դեյ-Լյուիս «Լինկոլն»
Լավագույն դերասանուհի՝ Ջենիֆեր Լոուրենս «Իմ ընկերը խելագար է»
Երկրորդ պլանի լավագույն դերասան՝ Քրիսթոֆ Վալց
Երկրորդ պլանի լավագույն դերասանուհի՝ Էն Հեթեթուեյ
Լավագույն անիմացիոն ֆիլմ՝ «Անվախ սրտով»
Լավագույն օտարալեզու ֆիլմ՝ «Սեր»
Լավագույն երգ՝ Ադելի «Skyfall»-ը
Լավագույն վավերագրական ֆիլմ՝ «Շաքարե մարդու որոնումները»
Լավագույն կարճամետրաժ վավերագրական ֆիլմ՝ «Inocente»
Լավագույն կարճամետրաժ անիմացիոն ֆիլմ՝ «Թղթե սիրավեպ»:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
