Խոջալուի դեպքերի մասին վավերագրական ֆիլմը YouTube-ում դիտել է շուրջ 210,000 մարդ

«Սովի և կրակի միջև. Իշխանություն կյանքի գնով» փաստագրական ֆիլմը, որ ներկայացնում է Խոջալու ադրբեջանական քաղաքում 1992 թվականի փետրվարի 25-26-ը տեղի ունեցած դեպքերը, YouTube կայքում արդեն ներկայացրել է 210 հազար մարդ: 

Ռուսալեզու ֆիլմը՝ բաղկացած 2 մասից, ներկայացվել է 2012 թվականի մարտին, իսկ անգլերեն լեզվով՝ փետրվարի 15-ին: Ֆիլմի հեղինակների խոսքով ֆիլմում ներկայացվում են Ադրբեջանի իշխանությունների հանցագործությունները, որի զոհ են դարձել կանայք, ծերունիներ և երեխաներ:

Ֆիլմում ներկայացված է արխիվային նյութերի, այդ թվում՝ նաև ադրբեջնական աղբյուրների ուսումնասիրության արդյունքում ձեռք բերված փաստերն ու թվերը: Ֆիլմում այդ ժամանակաշրջանի մասին իրենց հիշողություններով են կիսվում Ղարաբաղի պաշտպանության բանակի սպաներ և զինվորներ: Նրանք պատմում են Ստեփանակերտի շրջափակման, նաև՝ շրաջափակումից դուրս գալու ռազմական գործողությունների մասին:

Հիշեցնենք, որ Ադրբեջանի և Թուրքիայի պաշտոնյաները Խոջալուի դեպքերն անվանում են ադրբեջանցիների ցեղասպանություն: Այս օրերին տարբեր երկրներում գտնվող հայկական և ադրբեջանական համայնքներում տեղի են ունենում միջոցառումներ՝ կապված ողբերգության 20 ամյակի հետ:

Այս մասին նշում է Regnum գործակալությունը: