Հայաստանում և Ադրբեջանում նախընտրական գործընթացների նմանությունը

Ադրբեջանում նախագահական ընտրություններից 8 ամիս առաջ վերջին նախաձեռնությունները ցույց են տալիս, որ քաղաքացիները դարձել են ավելի ակտիվ և իրենց քաղաքական հայացքները ներկայացնելու համար օգտագործում են Facebook սոցկայքը:

Սպասվում է, որ նախագահական ընտրություններում իրենց թեկնածությունը կդնեն իշխող «Յենի Ազերբայջան» կուսակցության նախագահ Իլհամ Ալիևը և ընդդիմադիր «Մուսավաթ» կուսակցության ղեկավար Գամբարը և Հանրապետական այլընտրանքային շարժման ձերբակալված ղեկավար Իլգար Մամադովը:

Չնայած 2008 թվականին տեղի ունեցած ընտրությունների շատ նմանությունների, որոշակի տարբերություններ կան: Այժմ քաղաքական ուժեղ միջոց է դարձել Facebook և այլ սոցկայքեր: Այս մասին նշում են քաղաքական վերլուծաբաններ:

Համացանցի ազդեցությունը զգալի դարձավ այն բանից հետո, երբ Facebook սոցկայքում ակտիվությունները հանգեցրին Իսմայիլիում բողոքի արշավի: Իշխանությունները կարողացան մարել այդ շարժումը միայն մի քանի ակտիվիստների ձերբակալությունից հետո:

Ադրբեջանում շուրջ 1 միլիոն բնակչություն օգտվում է համացանցից, որից 142,000-ը միացել են համացանցին վերջերս՝ համաձայն SocialBakers.com տվյալների: Այս մասին նշում է eurasianet գործակալությունը:

Եթե հաշվի առնենք Հայաստանում նախընտրական և հետընտրական դեպքերը, կարելի է նկատել, որ նույն պատկերն է ստեղծվում:

Բնակչության մեծ մասն իր քաղաքական ակտիվությունը ցուցաբերում է Facebook կայքի միջոցով. այդ հարթակը կառավարության ներկայացուցիչները չեն կարողանում հսկել, ինչը չես կարող ասել հեռուստատեսության մասին: