Բրիտանիայի ԱԳ նախարարը վախենում է Պուտինի վրիժառությունից

Բրիտանական ԶԼՄ-ների, այդ թվում՝ Guardian, BBC, Independent, Financial Times կոնսորցիումի հետաքրքրությունները ներկայացնող իրավապաշտպանն այսօր ելույթ է ունենալու Լոնդոնի դատարանում Լիտվինենկոյի գործով վկայությունը հրապարակելու կառավարության միջնորդության դեմ փաստերով:

Բրիտանիայի արտաքին գործերի նախարար Վիլյամ Հագը պահանջել է չհրապարակել Լիտվինենկոյի գործով բրիտանական հատուկ ծառայությունների կողմից ձեռք բերված նյութերը « Բրիտնաիայի ազգային անվտանգությանը և միջազգային հարաբերություններին չվնասելու համար»:

Մինչ այդ դատարանը հայտարարել էր, որ այդ փաստաթղթերի մեջ կա ապացույց, որով Լիտվինենկոյի սպանության մեջ մեղադրվում է ռուսական կառավարությունը: 

Այսօր Guardian պարբերականում լույս տեսած հոդվածում մասնավորապես նշված է. «Դատելով այս ամենից՝ կարելի է գալ այն եզրահանգման, որ ԱԳ նախարարը վախենում է վիրավորել Ռուսաստանի վրիժառու նախագահին: Նա վախենում է, որ Պուտինը, ի պատասխան դրա, ՄԱԿ-ում կսկսի քվեարկել Բրիտանիայի ցանկությանը հակառակ:

Վերջին հաշվով դատարանը պետք է որոշի, թե ինչ փոխզիջումների է պատրաստ գնալ արդարադատության ոլորտում աննախադեպ դիկտատորական ռեժիմի հետ հարաբերությունները պահպանելու համար, որը սպանում է մարդկանց»: Գոլդֆարբն ավելացրել է, որ գաղտնի փաստաթղթերում կան տվյալներ Իսպանիայում ռուսական բանդիտների և Պուտինի շրջապատի միջև, ինչով էլ հենց զբաղվում էր Սաշա Լիտվինենկոն: