Մի՛ նյարդայնացեք, ոստիկանը՝ ուսանողին

Այս պահին դասադուլ հայտարարած ուսանողները գտնվում են Երևանի Վ. Բրյուսովի անվան լեզվաբանական համալսարանի շենքի մոտ: Սակայն համալսարանի դռները փակված են, ուսանողները չեն կարողանում դուրս գալ և միանալ դասադուլ հայտարարած ակտիվիստներին:

Ինչպես տեղից հայտնում է Lurer.com-ի թղթակիցը, երբ ակցիայի ակտիվիստներից մեկը բարձրախոսով հայտարարում էր, որ համալսարանի դռները փակ են և խնդրում են ոստիկանությանը միջամտել, որպեսզի դռները բացվեն, Երևանի փոխոստիկանապետ Վալերի Օսիպյանը մոտեցավ ակտիվիստին և ասաց. «Մի՛ նյարդայնացեք, երիտասարդ եք դեռ, ինչո՞ւ եք ադքան նյարդայնանում»։ Ի նշան հարգանքի՝ ուսանողները շնորհակալություն հայտնեցին ոստիկանին: