Եվրոպայի հայկական միությունների ֆորումը ՅՈՒՆԵՍԿՕ-ին մեղադրել է կաշառակերության մեջ

Եվրոպայի հայկական միությունների ֆորումը մեղադրում է ՅՈՒՆԵՍԿՕ-ին կաշառակերության մեջ և պահանջել է, որ կազմակերպությունը ուշադրություն դարձնի Նախիջևանում հայկական հուշարձանների ոչնչացմանը: Այս մասին փետրվարի 26-ին հայտնել է ԵՀՄՎ-ի նախագահ Աշոտ Գրիգորյանը: 

Նա մասնավորապես նշել է, որ  Հայոց ցեղասպանության 100-ամյա նախօրյակին կազմակերպությունը 2013 թվականը հայտարարել է մշակույթային ցեղասպանության դեմ պայքարի տարի, որի շրջանակներում նա շարունակում է իր պայքարը ՅՈՒՆԵՍԿՕ-ի դեմ Նախիջևանում հայկական գերեզմանների ոչնչացման փաստերով: Ֆորումն իր դժգոհությունն է արտահայտել այն բանի պատճառով, որ այդ փաստը չի արձանագրվել ՅՈՒՆԵՍԿՕ-ի կողմից: 

«Ադրբեջանից ՅՈՒՆԵՍԿՕ-ն ստացել է 1,5 մլն դոլար, և մենք պատրաստվում ենք բողոք ներկայացնել ՅՈՒՆԵՍԿՕ–ի գլխավոր քարտուղար Իրինա Բոկովայի դեմ: Մենք ՄԱԿ-ի ղեկավար Բան Կի Մունին նամակ ենք գրել, որպեսզի հանձնաժողով ստեղծվի ՅՈՒՆԵՍԿՕ-ի կազմում, որտեղ փաստվի, որ ոչնչացվել է 10.000 խաչքար-կոթող, ինչի փոխարեն ստեղծվել է հրաձգարան»,-նշեց Աշոտ Գրիգորյանը:

ՄԱԿ-ի գլխավոր քարտուղարին ուղղված նամակում նաև նշված է, որ 2011 թվականի հունիսին Փարիզում կազմակերպված հայկական խաչքարերի ցուցահանդեսի ժամանակ բողոք է ներկայացվել թուրքական և ադրբեջանական կողմերից, որից հետո ցուցանմուշների տակից հանվել են անվանումները:

Մյուս խնդիրը կապված է բրիտանական թանգարանի հետ: Այնտեղ ցուցադրվում են «Հայկական նմուշներ հնագույն Թուրքիա» անվամբ, որն ուղղակի անհեթեթություն է, քանի որ ցուցադրված են Հայաստանի և Ուրարտուի նմուշներ: 

«Ինչքա՞ն կարող է Սփյուռքը զբաղվել այնպիսի հարցերով, որոնցով պետք է զբաղվեն Մշակույթի նախարարությունը և Պատմության ինստիտուտը, ինչի համար մեծ գումարներ են ստանում»,-դժգոհել է Աշոտ Գրիգորյանը: