ՊՆ-ի բարձրաստիճան սպաների «ատկատները»

Ինչպես փոխանցում են Lurer.com-ի լավատեղյակ աղբյուրները, Ռազմական ոստիկանության պետ, գնդապետ Սամվել Ղուկասյանը որոշել է արագ տեմպերով հարստանալ: Վերջինս Ռազմական ոստիկանության վարչության համակարգի բոլոր աշխատողներին պարտադրել է ապահովագրվել Ռոսգոստրախի միջոցով, որն էլ առաջացրել է աշխատակիցների դժգոհությունը: Սամվել Ղուկասյանը յուրաքանչյուր անձից vip փաթեթի դեպքում մոտավորապես 20.-25,000 դրամի ատկատ է ստանում, իսկ յուրաքանչյուր սոցիալական փաթեթի ընդհանուր գինը կազմում է 132.000 դրամ:

Պարզվում է՝ բանակում ապահովագրական գործընթացը նաև իր ձեռքն է վերցրել ՀՀ ԶՈՒ ԳՇ պետի տեղակալ, գեներալ լեյտենանտ Հայկազ Բաղմանյանը իր որդու հետ միասին: Մեզ հասած տեղեկություններով՝ չորրորդ բանակային կորպուսում գործընթացն արդեն իսկ ավարտված է եղել այն դեպքում, երբ անգամ սկսելու օրինական ցուցում դեռևս չէր տրվել, իսկ այժմ առաջին և երկրորդ բանակային կորպուսներում է գործընթացի մեջ:

Բնականաբար այս ամենն առաջացրել է հրամանատարների դժգոհությունը, քանի որ վերջիններիս պարտադրում են ապահովագրվել ոչ թե ողջ բազայինով, այլ vip-ով, քանի որ, եթե ապահովագրում են vip-ով, ատկատի չափն ավելի մեծ է լինում: Իսկ հրամանատարները բարկացել են, որովհետև նրանք չեն կարողանում այստեղից օգուտ քաղել, և ողջ ատկատը գնում է մեկ մարդու գրպան: