«Ժողովուրդ». Ո՞վ կփոխարինի Շոթա Վարդանյանին

Անցած տարվա դեկտեմբերի 22-ին «Ժողովուրդ»-ը գրել էր ՀՀ գլխավոր դատաբժիշկ Շոթա Վարդանյանը լքելու է իր պաշտոնը՝ թոշակի անցնելու կապակցությամբ: Նշել էինք նաև, որ նրա փոխարեն այդ պաշտոնում նշանակվելու է ՀՀ նախագահի վերահսկողական ծառայության աշխատակիցներից մեկի հետ բարեկամը:

Եվ ահա երեկ հայտնի դարձավ, որ ՀՀ ԱՆ «Դատաբժշկական գիտագործնական կենտրոն» ՊՈԱԿ-ի տնօրենի թափուր պաշտոնի համար դիմել է միայն կենտրոնի տնօրենի ժամանակավոր պաշտոնակատար նշանակված Մհեր Բիշարյանը, ով ՀՀ նախագահի վերահսկողական ծառայության ղեկավար Հավհաննես Հովսեփյանի քրոջ ամուսինն է:

ՊՈԱԿ-ի տնօրենի թափուր պաշտոնի համար մրցույթը կանցկացվի 2013-ի մարտի 26-ին: Հիշեցնենք, որ Շոթա Վարդանյանն այն պաշտոնյան էր, որը 2008թ. մարտի 1-ի ողբերգության օրը դեպքի վայրում հայտնաբերված ատամնաշարի մասին խոսելիս ասել էր, թե դա խոճկորի ծնոտ է: Սակայն այդ խայտառակությունից հետո նա շարունակեց 4 տարի պաշտոնավարել: