ԵԱՀԿ Մինսկի խմբի և Հայաստանի ու Ադրբեջանի միջև հանդիպումը տեղի է ունենալու Փարիզում

ԵԱՀԿ Մինսկի խմբի համանախագահները առաջարկել են Հայաստանի և Ադրբեջանի ԱԳ նախարարներին` Էլդար Մամեդյարովին և Էդվարդ Նալբանդյանին Լեռնային Ղարաբաղի հիմնահարցի խաղաղ կարգավորման շրջանակներում հաջորդ հանդիպումն անցկացնել Փարիզում:

«Մենք ուղարկել ենք առաջարկությունները կողմերին և սպասում ենք պատասխանի»,-այս մասին հայտնել է ԵԱՀԿ Մինսկի խմբի Ֆրանսիայի ներկայացուցիչ Ժակ Ֆորը: Նրա խոսքերով՝ Ռուսաստանի, Ֆրանսիայի և ԱՄՆ-ի համանախագահներն առանձին հանդիպումներ կանցկացնեն Նալբանդյանի և Մամեդյարովի հետ, ապա տեղի կունենա «3+2» ձևաչափի ընդհանուր հանդիպում: Սպասվում է, որ Փարիզում հանդիպումից հետո համանախագահները կայցելեն նար տարածաշրջանի պետություններ:

Հիշեցնենք, որ նախկինում այսպիսի հանդիպում տեղի էր ունեցել հունվարի 28-ին: Դեռևս անցած տարվա վերջում Մինսկի խմբի համանախագահները հայտնեցին, որ պատրաստվում են հանդես գալ նոր առաջարկությամբ: Այս հանդիպման կարևորությունը կայանում է նաև նրանում, թե ինչ առաջարկությամբ են հանդես գալու համանախագահները: Սակայն դեռևս կողմերը առաջնորդվում են Մադրիդյան սկզբունքներով: 

Ջոն Քերրին Սերժ Սարգսյանին ուղղված շնորհավորական ուղերձի մեջ անդրադառնում էր նաև Լեռնային Ղարաբաղի հարցին` մասնավորապես նշելով. «Քանի որ մեզ ձեռք չի տալիս ստատուս քվոյի պահպանումը, մենք պետք է օգտագործենք այս ժամանակը խաղաղ գործընթացի շուրջ համագործակցության համար»:

Այս մասին նշում է ИА REX լրատվական-վերլուծական գործակալությունը: