Դերբենտի ամրոցի հնությունների թանգարանից թալանել են հնագույն զենքեր

Դաղստանի Դերբենտ քաղաքում կողոպտել են հնագույն իրերի թանգարանը: Թալանվել են 19-րդ դարից մնացած զենքի նմուշներ՝ սուսերներ, թրեր, դաշույններ, ատրճանակներ:

Ոստիկանությունը հայտնում է, որ հանցագործները ներթափանցել են հնագույն ամրոցում տեղակայված թանգարանը շինության չհսկվող կողմից. փոխանցում է Vesti.ru-ն:

Հարուցվել է քրեական գործ, հարցաքննվում են թանգարանի աշխատակիցները: Վերահսկողության տակ են վերցվել Դերբենտի բոլոր ելքերն ու Դաղստանի օդանավակայանները: